საპროექტო ტერიტორია ლეხ და მარია კაჩინსკის ქუჩისა და ზღვის სანაპირო ზოლის გასწვრივ, ბათუმის ახალ ბულვარში, მდებარეობს. კვადრატული ფორმის სივრცეს შუაში საფეხმავლო ბილიკი კვეთს, სადაც გამწვანებული გვირაბები და ტრიბუნებია მოწყობილი. რელიეფს მორგებულ ტალღისებრ ფორმებში განთავსებულია დამხმარე სათავსები, სველი წერტილები და მოსაცდელები.

გამოყოფილი ბილიკიდან ზღვის მხარეს სკეიტპარკი მდებარეობს, ხოლო ბილიკის ღერძიდან სარკისებურად იდენტური გარშემოწერილობის ტერიტორიაზე − სხვადასხვა სირთულის რელიეფური ველობილიკები.

სკეიტპარკი სერთიფიცირებულია საერთაშორისო ორგანიზაცია „World Skate-ის“ მიერ სკეიტ-ობიექტების პროგრამის ფარგლებში „Next Generation“.

შესრულებელი სამუშაო:

• მოედნის კონსტრუქციების მშენებლობა;
• მიწისქვეშა კედლების საიზოლაციო სამუშაოები;
• საინჟინრო ქსელების სამონტაჟო სამუშაოები;
• მოედნის მარკირება;
• სპეციალური ინვენტარის განთავსება;
• ტერიტორიის კეთილმოწყობა.