ფუნქციური დანიშნულება: მრავალფუნქციური საცხოვრებელი სახლი
მის.: ქ. თბილისი, ალ. თვალჭრელიძის № 2

თბილისის ისთ-ფოინთი მდებარეობს კახეთის გზატკეცილზე, თვალჭრელიძის ქ. N2-ში. ის 208 618 კვ.მ მიწის ნაკვეთზე დაგეგმარებული შიდა და გარე ქუჩების, მოედნებისა და მთავარი ადმინისტრაციული შენობისაგან დაკომპლექტებული 100 000 კვ.მ-ამდე (indoor-outdoor village) კომპლექსია ღია ცის ქვეშ.

მოლს აერთიანებს და ერთიან კომპლექსად კრავს 2 სხვადასხვა (ზედა და ქვედა) დონეზე ორგანიზებული, პერიფერიული ქუჩებით დაკავშირებული სივრცეები, შიდა და გარე კიბეები, ექსკალატორები, ორი დამოუკიდებელი 1900 კვ.მ-ის ავტოსადგომი.

შენობების სამი მწკრივი ეკლექტიკური მიდგომითა და ფერადოვანი პალიტრით გამოირჩევა, თანამედროვე და ტრადიციული არქიტექტურული ელემენტები ერთმანეთში ჰარმონიულად ირევა, რითაც იქმნება ბუნებრივი ქალაქგანვითარების შთაბეჭდილება.

ტერიტორიაზე სამი მოედანია განთავსებული, ორი ხეებით დაჩრდილული გალერეით, რომლის ორივე მხარეს სხვადასხვა სავაჭრო-გასართობი და სარეკრეაციო სივრცეებია მოწყობილი. ცენტრალურ მოედანზე მდებარეობს მთავარი შენობა, რომელშიც გათვალისწინებულია კონოთეატრის, ბოულინგ- და ფიტნესცენტრების, ბავშვთა გასართობი ცენტრის, საზაფხულო სკოლის, სწრაფი კვებისა და სხვა ობიექტები.

ზევით, სახურავზე კი მოწყობილია სხვადასხვა რესტორანი და სწრაფი კვების ობიექტი, რომლებიც ერთმანეთს ხიდებითა და ტერასებით უკავშირდება.