შენობის ფუნქციური დანიშნულება: სასწავლო დაწესებულება
მისამართი: ბათუმი, ვ. შამილიძის ქუჩა №30

ქართულ-ამერიკული სკოლა „პროგრესი“ 4-სართულიანი შენობაა და 800 მოსწავლეზეა გათვლილი. ფასადი მოპირკეთდა აგურის ფილებით და დამონტაჟდა 3D განათება.

სკოლის შენობა აღჭურვილია სრული სახანძრო სისტემებით - დეტექცია, ევაკუაცია, ვენტილაცია, ხანძარსაქრობი სისტემა და ავარიული განათება. სკოლას ასევე აქვს ცალკე სპორტდარბაზისა და ცალკე ტექნიკური შენობები, სადაც განთავსებულია სახანძრო რეზერვუარი, სატუმბი, საქვაბე, საგენერატორო და სატრანსფორმატორო სივრცეები. სკოლა სრულად ადაპტირებულია შშმ პირებისათვის.

სამშენებლო კომპანია „ანაგმა“ შეასრულა შენობის მონოლითური რკინაბეტონის კონსტრუქციების სამშენებლო, ფასადის, ინტერიერის, ტერიტორიის მოსაპირკეთებელი და საინჟინრო ქსელების გაყვანის სამუშაოები.