7-სართულიანი შენობა დაგეგმარებულია სრული კარკასული სქემით, რომლის რკინაბეტონის მზიდი კონსტრუქციები მოწყობილია მარტივი, ბრტყელი ფირფიტოვანი და სწორი ღეროვანი ელემენტებით. სასტუმრო კომპლექსს გააჩნია ცალკე მდგომი დახურული საცურაო აუზი, საკონფერენციო დარბაზი და საუნა, ეზოში განლაგებულია ღია საცურაო აუზი, ფართით 250 მ2. ეზო კეთილმოწყობილ იქნა ბეტონის დეკორატიული ფილებით და ბორდიურებით, მოეწყო გამწვანება. შენობაში დამონტაჟდა ფირმა “კონე”-ს სამი სამგზავრო ლიფტი.

საძირკვლები – მონოლითური რკინაბეტონის კოჭოვანი ფილა, დაფუძნებული ქვიშა-ხრეშოვანი ნარევით მოწყობილ ხელოვნურ ფუძეზე.
კედლები და ტიხრები – ბეტონის მცირე საკედლე ბლოკები.
კარ-ფანჯრები და ვიტრაჟები – ალუმინის პროფილები, ორმაგი მინაპაკეტები.
შიდა კარის ბლოკები – საშუალო სიმკვრივის მერქანბოჭკოვანი (ემ დე ეფი) ლამინირებული ფილები.
ფასადის მოსახვა – ქვიშა-ცემენტის მოსაპირკეთებელი ხსნარი, ფასადის საღებავი.
სახურავი – თბოიზოლაცია, რბილი რულონური საიზოლიაციო მასალა.