ფუნქციური დანიშნულება: საცხოვრებელი უბანი
მისამართი: ქ. თბილისი, გ. დანელიას ქუჩა

„თბილისის აკრები“ მრავალფუნქციური საცხოვრებელი კომპლექსის სრულიად ახალი კონცეფციაა, რომელიც მაცხოვრებლებს სთავაზობს საცხოვრებელ ტერიტორიასა და ქალაქის ყველა საზოგადოებრივ სივრცეს ერთ უბანში. ახალი დასახლება გამოირჩევა დაბალი განაშენიანებით, მაღალი გამწვანების კოეფიციენტითა და ქუჩებში ინტეგრირებული ველობილიკებით, რომლებიც გარშემორტყმულია ხელშეუხებელი ტყითა და ბუნებრივი ლანდშაფტით.

არქიტექტურული კონცეფცია იმეორებს ადგილობრივი ლანდშაფტის კლაკნილ ფორმებს; შენობათა განთავსება გორაკის მიხრილ-მოხრილ ზედაპირებს მიუყვება. ფერდობზე რკალურად განფენილი ნაგებობები უზარმაზარ გამწვანებულ ტერიტორიებს შორის არის ჩაფლული და დაგვირგვინებულია ცენტრალური მოედნით. თანამედროვე არქიტექტურისთვის დამახასიათებელი მინის დიდი ვიტრაჟები აქრობს ზღვარს ბუნებასა და სახლებს შორის, ხოლო ხისა და ქვის ბუნებრივი მასალებითა და მიწის თბილი ტონებით საცხოვრებელი და გარე სივრცე კიდევ უფრო ორგანულად ერწყმის ერთმანეთს. არქიტექტურულად მომხიბვლელი ნაგებობები მოპირკეთებულია მაღალხარისხიანი საფასადე სისტემებითა და ზედაპირებით.