ფუნქციური დანიშნულება: მულტიფუნქციური საცხოვრებელი კომპლექსი
მისამართი: თბილისი, პ. ქავთარაძის ქ. № 20ა

საპროექტო ტერიტორია მდებარეობს ქ. თბილისში, პეტრე ქავთარაძის ქუჩაზე. „მეტროპოლ ქავთარაძის“ ორი 25-სართულიანი შენობა განსხვავებული დაგეგმარებისა და სხვადასხვა ფართის ბინებს აერთიანებს. მრავალფუნქციური კომპლექსის 1 ჰექტარ ტერიტორიაზე მოწყობილია საფეხბურთო მოედანი, გასართობი ზონა, საფეხმავლო ბილიკი, ღია და დახურული სივრცეები, მოსასვენებელი პავილიონი, საბავშვო ბაღი და ა.შ.

ორივე საცხოვრებელ ბლოკს აქვს კარკასული სისტემის ხიმინჯოვანი საძირკველი. ფასადისთვის გამოყენებულია მაღალი ხარისხის სალესავი/საღებავი მასალა, ხის ფაქტურიანი ალუკაბონდი, კერამიკული ფილა ტრავენტინის ფაქტურით და ალუმინის პროფილები.

ხელშეკრულებით გათვალისწინებული შესასრულებელი სამუშაო:

• შენობების კონსტრუქციების მშენებლობა;
• მიწისქვეშა კედლების საიზოლაციო სამუშაოები;
• ბლოკის წყობის სამუშაოები;
• სახურავის საიზოლაციო სამუშაოები;
• ფასადის მოსაპირკეთებელი სამუშაოები;
• საერთო სარგებლობის ფართების მოსაპირკეთებელი სამუშაოები.