სამშენებლო კომპანია „ანაგმა“ კვლავ წარმატებით გაიარა სერტიფიცირება და შეინარჩუნა ISO 9001:2015-ისა (ხარისხის მენეჯმენტი) და ISO 45001:2018-ის (შრომის უსაფრთხოება) საერთაშორისო სერტიფიკატები. 2025 წლის აგვისტოში მსოფლიოს ერთ-ერთმა წამყვანმა სასერტიფიკაციო ორგანომ „Lloyd's Register Quality Assurance-მა“ კომპანიის ყველა სტრუქტურული ერთეულისა და ერთ-ერთი სამშენებლო მოედნის კომპლექსური აუდიტი ჩაატარა.

აუდიტმა დაადასტურა, რომ „ანაგის“ მენეჯმენტის სისტემები სრულად შეესაბამება საერთაშორისო სტანდარტების მაღალ მოთხოვნებს. კომპანია „ანაგი“ ISO 9001-ის სერტიფიკატს 2011 წლიდან ფლობს, ხოლო 2019 წელს სამშენებლო სექტორში პირველმა მოიპოვა „LIoyds Register-ის“ მიერ გაცემული ISO 45001-ის სერტიფიკატი.