პროექტის აღწერა
პიაცას კოშკი დაგეგმარებულია სრული კარკასული სქემით, რომლის რკინაბეტონის მზიდი კონსტრუქციები მოწყობილია მარტივი, ფირფიტოვანი და ღეროვანი ელემენტებით. შენობის გუმბათი კონსტრუქციულად გადაწყვეტილია ლითონის კარკასში, მოპირკეთებული მოოქროვილი ფირფიტებით. კოშკის გუმბათის შიგნით დამონტაჟებულია ფრანგული წარმოების საათი.
საძირკვლები – მონოლითური რკინაბეტონის ნაბურღ-ნატენი ხიმინჯები დიამეტრით 1000 მმ, სიგრძით 10 მ, რომლებზეც დაფუძნებულია მონოლითური რკინაბეტონის ფილა.
კედლები – ბეტონის მცირე საკედლე ბლოკები.
ფასადის მოსახვა – მოსაპირკეთებელი აგური, ტრავერტინის ქვა, მხატვრული დეტალები.
ლიფტი – ფირმა “ოტისი”.
