ფუნქციური დანიშნულება: მრავალბინიანი საცხოვრებელი სახლი
მის: ქ. თბილისი, ა. წერეთლის გამზირი №117
არქიტექტურული პროექტის ავტორი: „სალომე ავალიანის არქიტექტურული სტუდია“

აკაკი წერეთლის გამზირზე მდებარე საცხოვრებელი სახლი 26-სართულიანი ნაგებობაა. შენობას აქვს ორდონიანი მიწისქვეშა ავტოფარეხი, ცენტრალურ შესასვლელთან მოწყობილია გამწვანებული საზოგადოებრივი სივრცე, ხოლო მიწისპირა სართული სხვადასხვა დანიშნულების კომერციული ფართებისთვისაა განკუთვნილი.

არქიტექტურულ კომპოზიციას მეტწილად სწორხაზოვანი და სადა გეომეტრია ჰქმნის, სადაც მაღლივი კორპუსი ჰორიზონტალურ, ღია ტონალობაში შესრულებულ ბაზას ეფუძნება. 

ხელშეკრულებით გათვალისწინებული შესასრულებელი სამუშაო:

• შენობის კონსტრუქციების მშენებლობა; 
• ბლოკის წყობის სამუშაოები; 
• საინჟინრო ქსელების გაყვანა; 
• ბინების ნაწილობრივი მოპირკეთება (თეთრი კარკასი);  
• ფასადების მოპირკეთება;
• შენობის გადახურვა.