ფუნქციური დანიშნულება: საცხოვრებელი სახლი
მის.: ქ. თბილისი, ნეკერჩხლების ქუჩა
არქიტექტურული პროექტის ავტორი: architects.ge

საცხოვრებელი ბლოკები (B4,B5) „ლისი ვერანდის“ კომპლექსში „ლისი დეველოპმენტის“ მიერ კომპანია ანაგისთვის დაკვეთილი პირველი პროექტია. ოთხსადარბაზოიანი შენობა 10 100 კვ.მ ფართობს მოიცავს. მისი მშენებლობა 2014 წელს დაიწყო.

ნაგებობა ქუჩის მხრიდან 5-, ხოლო ეზოს მხრიდან 6-სართულიანია, სადაც ნახევრად სარდაფებში დუპლექსებია მოწყობილი. შენობას ორივე მხრიდან აივნები და ტერასები ამშვენებს. აივანზე სპეციალურ ნიშებში განთავსებულია კონდიციონერები და ქვაბები, რომლებსაც ხის ცხაურები ფარავს. კონსტრუქცია აგებულია ჩარჩო-მონოლითური კონსტრუქციისგან.

თანამედროვე არქიტექტურის მქონე ფასადებისათვის დამახასიათებელია სწორხაზოვანი გეომეტრიული ფორმები და მოსაპირკეთებელი მასალების ფერთა პალიტრის დაბალანსებული ურთიერთკავშირი. დომინანტურ აგურის სიბრტყეებზე ჰარმონიულადაა შერწყმული ბეტონის, ხისა და ნაცრისფერი მასალის არქიტექტურული ელემენტები, რაც ვიზუალურად მიმზიდველ კომპოზიციას ქმნის.