ფუნქციური დანიშნულება: მრავალბინიანი საცხოვრებელი სახლი
მის.: ქ. ბათუმი, ა. ჩხაიძის ქ. № 7 (ე.წ. შანხაის დასახლება)

საპროექტო არეალი მდებარეობს ქ. ბათუმის შესასვლელში, რკინიგზის სადგურისა და პორტის სიახლოვეს. ტრაპეციისებრი ფორმის 11 900 კვ.მეტრი სანებართვო მიწის ნაკვეთი მოქცეულია ა. ჩხაიძისა და ერისთავის ქუჩებს შორის.

კომპლექსი შედგება ტერიტორიის ცენტრში განთავსებული ორი 8-სართულიანი საცხოვრებელი ბლოკისგან, რომელთა საერთო ფართი 10 900 კვ.მეტრია. ნაკვეთის აღმოსავლეთით სპორტული მოედანი მდებარეობს, დასავლეთით − ბავშვთა ატრაქციონები, ხოლო კორპუსებს შორის არსებული შიდა ეზო გამწვანებასა და სხვადასხვა აქტივობისათვის განკუთვნილ მოედანს უკავია. ტერიტორიას სამი მხრიდან აკრავს საპარკინგო ზონები და 3 600 კვ.მ-ის გამწვანებული არეალი.

ფუნქციური არქიტექტურის მქონე ფასადებზე ერთმანეთს ენაცვლება სწორხაზოვანი გეომეტრიული ფიგურები, რომლებიც თეთრისა და ნაცრისფერის სამ ტონალობაშია გადაწყვეტილი.

ხელშეკრულებით გათვალისწინებული შესასრულებელი სამუშაო:

• შენობების კონსტრუქციების მშენებლობა;
• მიწისქვეშა კედლების საიზოლაციო სამუშაოები;
• ბლოკის წყობის სამუშაოები;
• სახურავის საიზოლაციო სამუშაოები;
• საინჟინრო ქსელების სამონტაჟო სამუშაოები;
• ფასადის მოსაპირკეთებელი სამუშაოები;
• საერთო სარგებლობის ფართების მოსაპირკეთებელი სამუშაოები;
• 162 ბინის მოსაპირკეთებელი სამუშაოები (ე.წ. „გასაღებქვეშ“);
• ტერიტორიის კეთილმოწყობა.