ზვიად ქათამაძემ 2005 წელს დაამთავრა ბათუმის შოთა რუსთაველის სახელობის სახელმწიფო უნივერსიტეტის ფინანსებისა და საბანკო საქმის ფაკულტეტი ბაკალავრის კვალიფიკაციით. 2007 წელს ამავე უნივერსიტეტში დაამთავრა ფინანსებისა და საბანკო საქმის ფაკულტეტი და მიენიჭა მაგისტრის ხარისხი.

2006-2008 წლებში მუშაობდა საქართველოს ფინანსთა სამინისტროს საგადასახადო დეპარტამენტის ბათუმის საგადასახადო ინსპექციაში სამსახურის გადამხდელთა საგადასახადო აუდიტის (შემოწმებების) სამმართველოში ინსპექტორისა და გადამხდელთა მომსახურების სამმართველოში უფროსი ინსპექტორის თანამდებობებზე; 2008-2009 წლებში მუშაობდა საქართველოს ფინანსთა სამინისტროს შემოსავლების სამსახურის აუდიტის დეპარტამენტის გეგმური შემოწმებების მთავარი სამმართველოს დასავლეთის სამმართველოს ინსპექტორის თანამდებობაზე; 2009-2011 წლებში მუშაობდა საქართველოს ფინანსთა სამინისტროს შემოსავლების სამსახურის ბათუმის რეგიონული ცენტრის კონტროლის სამმართველოს საგადასახადო შემოწმებების განყოფილების მთავარი ოფიცრის თანამდებობაზე; 2011-2012 წლებში იყო შპს „ბათუმის დედათა და ბავშვთა ჯანმრთელობის დაცვის რესპუბლიკური ცენტრის“ ფინანსური მენეჯერი.

2012-2013 წლებში ზ. ქათამაძემ მუშაობა დაიწყო შპს „ანაგში“ აქტივების მართვის სპეციალისტად; 2013 წლიდან არის შპს „ანაგის“ საგადასახადო მენეჯერი.