ზურა შაქარაშვილმა 2014 წელს დაამთავრა ივანე ჯავახიშვილის სახელობის უნივერსიტეტი და მიენიჭა ბაკალავრის ხარისხი ბიზნესის მართვაში; 2013-2014 ბიზნესკომუნიკაციების გაცვლითი პროგრამით იმყოფებოდა აშშ-ს სამხრეთ ფლორიდის სახელმწიფო უნივერსიტეტში, შემდეგ სწავლა განაგრძო ქართულ-ამერიკული უნივერსიტეტის სოციალური მეცნიერებების, ინფორმატიკისა და ინჟინერიის სკოლაში, 2017 წელს აქვე მიენიჭა ბაკალავრის ხარისხი.

სწავლის დამთავრების შემდეგ კვალიფიკაციის ასამაღლებლად ზ. შაქარაშვილმა ჩააბარა საქართველოს ტექნიკური უნივერსიტეტის სამაგისტრო პროგრამაზე − სამშენებლო მექანიკა სეისმომედეგ მშენებლობაში და 2019 წელს მიენიჭა მაგისტრის ხარისხი. 2013-2014 წლებში ქალაქ მაიამიში (აშშ) იგი მუშაობდა ექაუნთ მენეჯერად კომპანია „ვაისროი რიელ ისთეითში“ (Viceroy Real Estate); 2015 წლიდან იგი აქტიურად ჩაერთო სამშენებლო სფეროში, კერძოდ, მუშაობდა სამუშაოთა მწარმოებლის თანამდებობაზე სხვადასხვა სამშენებლო კომპანიაში; მონაწილეობდა ისეთ პროექტებში, როგორებიცაა: „თიბისი“ ბანკის ძველი შენობისა და სასტუმრო „სტამბის“ კონსტრუქციულ-გამაგრებითი სამუშაოები; მუშაობდა კომპანია „ფლექსი დეველოპმენტში“ ბიზნესგანვითარებისა და პროექტის მენეჯერის თანამდებობებზე; 2017-2018 წლებში მონაწილეობა მიიღო „ქინგ დევიდის“ საინჟინრო სამუშაოებში.

2019 წელს შემოუერთდა სამშენებლო კომპანია „ანაგის“ გუნდს პროექტის მენეჯერის თანამდებობაზე.