თეიმურაზ მეგრელაძემ 2015 წელს დაამთავრა „გრენობლის ბიზნეს სკოლისა“ და „კავკასიის უნივერსიტეტის“ ბიზნესის ადმინისტრირების მაგისტრატურა მენეჯმენტ-კონსალტინგის განხრით. იგი არის, ასევე, თბილისის სამედიცინო უნივერსიტეტის კურსდამთავრებული და გავლილი აქვს ემორის სამედიცინო სკოლის კარდიოლოგიის ინტერნატურა.

2006 წლიდან თ. მეგრელაძე მუშაობდა კომპანია „არსის“ მშენებლობის დეპარტამენტის ხელმძღვანელად, შემდგომ კი ამავე კომპანიის შვილობილი მენეჯმენტკომპანიის - „არსი კონტესტუსის“ დირექტორად. სხვადასხვა წლებში მშენებლობისა და მშენებლობის მენეჯმენტის განხრით იგი დასაქმებული იყო კომპანიებში „ენსისი“ და „ნობლექსი“, ასევე მონაწილეობდა „აიემჯი დეველოპმენტისა“ და „გებრიუდერ ვაის ჯორჯიას“ (Gebrüder Weiss Georgia) სამშენებლო პროექტების განხორციელებაში.

მას გავლილი აქვს „გერმანიის საერთაშორისო თანამშრომლობის საზოგადოების“ (GIZ), „საქართველოს ტექნოლოგიების გადაცემის ცენტრის ინოვაციის მენეჯმენტისა“ და „ფილიპსის“ საინჟინრო ტრენინგები; 2007-2011 წლებში იყო აშშ-ს საერთაშორისო განვითარების სააგენტოს (USAID) პროფესიული განათლების ცენტრ „სპექტრის“ სამეთვალყურეო საბჭოს საპატიო წევრი.

2015 წლიდან თ. მეგრელაძე სამშენებლო კომპანია „ანაგის“ პროექტების დირექტორია.