ნუკრი ვარდოსანიძემ 2013 წელს დაამთავრა საქართველოს ტექნიკური უნივერსიტეტის სამშენებლო ფაკულტეტი სამოქალაქო და სამრეწველო მშენებლობის სპეციალიზაციით, რკინაბეტონის კონსტრუქციების განხრით. გავლილი აქვს ტრენინგები: „მაპეის“ თანამედროვე მასალების გამოყენება სამშენებლო სფეროში, „კნაუფის“ ბგერათიზოლაციისა და სახანძრო ღონისძიებების გერმანული სტანდარტები, „სიკას“ შენობა-ნაგებობის კონსტრუქციების ჰიდროიზოლაციის მოწყობის ტექნოლოგიები, „კაპაროლ ჯორჯიას“ სველი ფასადის დათბუნების ტექნოლოგია ევროპული ნორმის მოთხოვნებით, „კნაუფის“ თაბაშირ-მუყაოს ფილების მოწყობის ტექნოლოგია.

2009-2012 წლებში ნ. ვარდოსანიძე მუშაობდა შპს „არსში“ ოსტატად; 2014 წელს − დამხმარე ოსტატად სამშენებლო კომპანია „ანაგში“.

2015 წელს მან მუშაობა დაიწყო კომპანია „ანაგის“ ხარისხისა და ტექნოლოგიების კონტროლის სამსახურში ინჟინრის თანამდებობაზე, ხოლო 2019 წლის ივნისიდან არის კომპანია „ანაგის“ ხარისხის უფროსი ინჟინერი.