ნოდარ ღონღაძემ 1982 წელს დაამთავრა საქართველოს პოლიტექნიკური ინსტიტუტი მშენებელ-ინჟინრის კვალიფიკაციით.

1982 წლიდან იგი მუშაობდა სხვადასხვა სამშენებლო ორგანიზაციებში: „თბილქალაქმშენის“ №14 ტრესტში ოსტატად, „კაპიტალური მშენებლობის სამმართველოში“ ჯერ უფროსი ინჟინრის, ხოლო შემდეგ − ტექზედამხედველთა ჯგუფის უფროსის თანამდებობაზე, ასევე საქართველოს მშენებელთა კავშირში უბნის უფროსად, „საქგვირაბმშენში“ სამუშაოთა მწარმოებლად; 2005 წლიდან იყო შპს „მაგი სტილის“ სამუშაოთა მწარმოებელი.

2013 წლიდან ნ. ღონღაძე მუშაობს სამშენებლო კომპანია „ანაგში“ სამუშაოთა მწარმოებლად.