მარიამ გოგალაძემ 2019 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტი; 2020 წელს ჩააბარა ამავე უნივერსიტეტის ბიზნესის ადმინისტრირების სამაგისტრო პროგრამაზე; 2017-2018 წლებში მან ფინანსთა სამინისტროს აკადემიაში გაიარა კურსები საჯარო ფინანსების მართვის საფუძვლების შესახებ.

2018-2021 წლებში ის მუშაობდა სხვადასხვა თანამდებობაზე აუდიტორულ კომპანია „ფინანსურ ოფისში“, კერძოდ, სტაჟიორად, დამხმარე ბუღალტრად და უმცროს ბუღალტრად, ხოლო 2021 წლის ივნისიდან ნოემბრამდე − აუდიტორულ კომპანიაში „ნექსია თიეიში“ დამხმარე ბუღალტრად.

2021 წლის ნოემბრიდან მარიამმა მუშაობა დაიწყო კომპანია „ანაგში“ ბუღალტრის თანამდებობაზე.