ლიკა კაკალაძემ 2018 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტი, ხოლო 2020 წელს მიენიჭა ამავე უნივერსიტეტის მაგისტრის ხარისხი ბიზნესის ადმინისტრირებაში ბუღალტრული აღრიცხვისა და აუდიტის განხრით.

2018 წელს მან გაიარა საჯარო ფინანსების მართვის 6-თვიანი კურსი ფინანსთა სამინისტროს აკადემიაში; 2018 წლის მარტში ლ. კაკალაძემ გაიარა სტაჟირება ბუღალტრის ასისტენტის თანამდებობაზე აუდიტორულ კომპანია „ფინანსურ ოფისში“, ხოლო გამოსაცდელი ვადის გასვლის შემდეგ მუშაობა განაგრძო ამავე კომპანიაში ჯერ ბუღალტრის თანაშემწედ, ხოლო 2019 წლის აპრილიდან კი ბუღალტრად.

2021 წლის მარტიდან ლ.კაკალაძემ მუშაობა დაიწყო სამშენებლო კომპანია „ანაგში“ ბუღალტრის თანამდებობაზე.