იოსებ ღადალაძემ 1971 წელს დაამთავრა საქართველოს პოლიტექნიკური ინსტიტუტი და მიენიჭა ინჟინერ-მშენებლის კვალიფიკაცია.

1971-1979 წლებში იგი მუშაობდა ლაქ-საღებავებისა და სამშენებლო მასალების საპროექტო -კვლევით ინსტიტუტში ჯერ ლაბორანტად და ინჟინრად, ხოლო შემდეგ − უფროს ინჟინრად; 1979 წლიდან 1986 წლამდე მუშაობდა ბათუმის № 5 სამშენებლო ტრესტის მე-2 სამშენებლო-სამონტაჟო სამმართველოში მშენებელ ოსტატად, სამუშაოთა მწარმოებლად და უფროს სამუშაოთა მწარმოებლად; 1986 – 1988 წლებში ეკავა მთავარი ინჟინრის თანამდებობა „სპეცმშენ 28-ში“. 1988 წლიდან იგი მუშაობდა სხვადასხვა სამშენებლო ფირმაში ინჟინრად, ტექნიკური განყოფილების უფროსად, მთავარ ინჟინრად.

2005 წლიდან ი. ღადალაძე არის სამშენებლო კომპანია „ანაგის“ სამუშაოთა მწარმოებელი.