დავით ნიქაბაძემ 2014 წელს დაამთავრა საქართველოს ტექნიკური უნივერსიტეტის სამშენებლო ფაკულტეტი, ხოლო 2016 წელს მიენიჭა მაგისტრის ხარისხი მშენებლობის ექსპერტიზის განხრით.

2014 წლიდან 2017 წლამდე იგი მუშაობდა კონსტრუქტორად „ჯიაიპიენში“ (GIPN). ამავე წლებში პარალელურად იყო ხარისხის კონტროლის ზედამხედველი ბილტმორის სასტუმროს მშენებლობაზე, ხოლო 2017 წლიდან 2021 წლამდე − მრავალბინიანი საცხოვრებელი კომპლექსების სამუშაოთა მწარმოებლად, პროექტის მენეჯერად.

2021 წლიდან დ. ნიქაბაძემ დაიწყო მუშაობა სამშენებლო კომპანია „ანაგში“ ტექნიკური განყოფილების ინჟინრის თანამდებობაზე.

2014 წელს წაკითხული აქვს მოხსენება ნანოტექნოლოგიების კონფერენციაზე "Nano Lumber, innovative construction material of the 21st century".