დავით ჯანგველაძემ 2004 წელს დაამთავრა აკაკი წერეთლის სახელმწიფო უნივერსიტეტის ეკონომიკისა და ბუნებისმეტყველების ფაკულტეტი; 2006 წელს მიენიჭა მაგისტრის ხარისხი ბიზნესისა და მართვის სპეციალიზაციის განხრით.

2005-2009 წლებში მუშაობდა შპს „ჰიდროსპეცმშენში“ სამშენებლო უბნის მენეჯერად, 2009-2012 წლებში − შპს „გაერთიანებული წყალმომარაგების კომპანიის“ სერვისცენტრის ტექნიკურ მენეჯერად.

2012-2015 წლებში დ. ჯანგველაძე იყო კომპანია „Dewalt-ის“ წარმომადგენლობის დირექტორი დასავლეთ საქართველოში.

2016 წლიდან დღემდე მუშაობს შპს „ანაგში“ სამუშაოთა მწარმოებლის თანამდებობაზე.