კარიერა

კარიერა

კეთილი იყოს თქვენი მობრძანება სამშენებლო კომპანია "ანაგის" კარიერის გვერდზე. ჩვენი კომპანია გაძლევთ შესაძლებლობას, საქმიანობა წარმართოთ სხვადასხვა დარგის პროფესიონალთა გარემოცვაში, რაც, თავის მხრივ, ხელს შეუწყობს თქვენს პროფესიულ ზრდას და კარიერულ წინსვლას.

ბუღალტერი


სამშენებლო კომპანია “ანაგი” აცხადებს ვაკანსიას ფინანსურ დეპარტამენტში ბუღალტრის პოზიციაზე.

მდებარეობა: თბილისი
სამუშაო გრაფიკი: სრული. შაბათს ნახევარი დღე (ან საჭიროების მიხედვით)


კომპანია დაფუძნდა 30 წლის წინ და არსებობის მანძილზე უწყვეტად ოპერირებს საქართველოში. მრავალი წელია იგი წარმოადგენს ლიდერ კომპანიას სამშენებლო სექტორში.

იმისთვის, რომ კანდიდატმა მიაღწიოს წარმატებას ჩვენ გვჯერა, რომ ის უნდა იყოს მოტივირებული, განვითარებაზე ორიენტირებული, მიზანდასახული და გრძელვადიანი თანამშრომლობის სურვილით განმსჭვალული. ჰქონდეს სურვილი, რომ გაიზარდოს კომპანიასთან ერთად და მისთვის ეს ყველაფერი იყოს სასურველი და ცხოვრებაში პრიორიტეტული. ჩვენ ასევე გვჯერა, რომ საქმისადმი დამოკიდებულება, მისი კეთების სურვილი და მაღალი ინტელექტი გაცილებით მნიშვნელოვანი ფაქტორებია წარმატების მისაღწევად, ვიდრე განათლება, გამოცდილება და სხვა კვალიფიციური მახასიათებლები, თუმცა ეს უკანასკნელიც აუცილებელია.

კანდიდატი გაივლის მინიმუმ 1 ტესტს და 1 გასაუბრებას. ანაზღაურების პაკეტი იქნება კონკურენტუნარიანი და რაც მთავარია პერსპექტიული. იგი განისაზღვრება შერჩევის პროცესში და/ან კანდიდატთან მოლაპარაკების დროს.

კომპანიის ბუღალტერი პასუხისმგებელია უზრუნველყოს კომპანიის ბუღალტრული და ფინანსური აღრიცხვა ფინანსური აღრიცხვის საერთაშორისო სტანდარტებისა და საქართველოს კანონმდებლობის, დადგენილი ვადებისა და აღრიცხვის შემდეგი პრინციპების დაცვით:

** სიზუსტე. უზრუნველყოს ტრანზაქციებისა და ბალანსების ზუსტი აღრიცხვა მათი შინაარსის მიხედვითა და ფორმის დაცვით; 
** სისრულე. უზრუნველყოს კომპანიის ბიზნეს პროცესების გამართულობა დოკუმენტბრუნვისა და აღრიცხვიანობის თვალსაზრისით. მოიპოვოს ინფორმაცია და დოკუმენტაცია ყველა მომხდარი ტრანზაქციისა და ბალანსის შესახებ და უზრუნველყოს მათი აღრიცხვა სრულად; 
** დროში გამიჯვნა. უზრუნველყოს ტრანზაქციების რეალური პერიოდის იდენტიფიცირება მათი შინაარსის მიხედვით და შესაბამისი აღრიცხვა; 
** რეალურობა. უზრუნველყოს ტრანზაქციებისა და ბალანსების რეალურობის დადგენა და მათი შესაბამისი აღრიცხვა; 
** ღირებულების შეფასება. საჭიროებისამებრ უზრუნველყოს ტრანზაქციების და ბალანსების ნომინალური და რეალური ღირებულების განსაზღვრა და შესაბამისი აღრიცხვა;
** უფლებების და ვალდებულებების პრინციპები. უზრუნველყოს ტრანზაქციებისა და ბალანსების აღრიცხვა მათი წარმოშობის დროს განსაზღვრული უფლებებისა და ვალდებულებების გათვალისწინებით; 
** გასაგებად აღრიცხვიანობა. ბუღალტრული და ფინანსური აღრიცხვის შედეგები იყოს გასაგები და იძლეოდეს ანალიზის და აუდიტის მარტივ, სწრაფ და ხარისხიან შესაძლებლობას. აღრიცხვის შედეგები გასაგები უნდა იყოს ყველაარსებული და შესაძლო მომხმარებლისთვის. 


მოვალეობები:

** შემოსავლების სამსახურისთვის საგადასახადო დეკლარაციების შევსებაში მონაწილეობის მიღება; 
** მენეჯერული და ფინანსური რეპორტინგი;
** აუდიტორებთან და საგადასახადო კონსულტანტებთან შედეგზე ორიენტირებული ურთიერთობა; 
** ბანკებთან ურთიერთობა; 
** პირველადი დოკუმენტების დამუშავება და/ან კონტროლი; 
** საბანკო გადარიცხვების უზრუნველყოფა და მათი კონტროლი; 
** დებიტორებისა და კრედიტორების კონტროლი; 
** სტატისტიკის ეროვნულ სამსახურთან და სხვა ორგანოებთან რეპორტინგში და ურთიერთობაში მონაწილეობის მიღება; 
** სხვა დავალებები საჭიროების მიხედვით, ზემოთ მოცემული მიზნების მისაღწევად; 
** შემოსავლების სამსახურის ონლაინ პორტალზე მუშაობა პირველადი დოკუმენტაციის გამოწერა /დადასტურება. 


საკვალიფიკაციო მოთხოვნები:

** 3 წლიანი გამოცდილება ბუღალტრული და ფინანსური აღრიცხვის სფეროში; 
** საბუღალტრო პროგრამა ორისის და ექსელის სამომხმარებლო დონეზე კარგად ცოდნა. სასურველია ERP სისტემასთან მუშაობის გამოცდილება;
** სასურველია IFRS სტანდარტების ცოდნა;
** სასურველია ACCA-ის წევრი ან სტუდენტი;
** საქართველოს საგადასახადო კოდექსის ცოდნა;
** სასურველია უცხო ენების ცოდნა; 
** სხვა საჭირო ცოდნა, გამოცდილება და უნარები ზემოთ მოცემული მიზნების მისაღწევად. 


დაინტერესებულმა კანდიდატებმა გამოაგზავნეთ თქვენი CV (ქართულ ენაზე) ელ-ფოსტაზე hr@anagi.ge, არაუგვიენს 2019 წლის 11 ნომებრისა. გთხოვთ, ელ-ფოსტის საგნის ველში (Subject) მიუთითოთპოზიციის დასახელება: ბუღალტერი. კანდიდატების შერჩევა განხორციელდება მათი მონაცემების დამუშავებისა და გასაუბრებების საფუძველზე. გასაუბრებაზე მოწვეულ იქნებიან მხოლოდ შერჩეული კანდიდატები.

გისურვებთ წარმატებას!

დაინტერესებული ხართ?

რეზიუმეს გაგზავნა


დაინტერესებული ხართ ჩვენთან მუშაობით?

მიამაგრეთ ფაილი